понеделник, 28. септември 2020. Вести денес: 0
home Вести

Бела куќа: Трамп подготвен повторно да воведе блокада на Владата

Бела куќа: Трамп подготвен повторно да воведе блокада на Владата

Претседателот на САД, Доналд Трамп е подготвен повторно да воведе блокада на Владата или да прогласи вонредна состојба доколку Конгресот не одобри пари за изградба на ѕид на границата со Мексико, соопшти Белата куќа.

Претставникот на Белата куќа, Мик Малвени изјави за телевизијата Си-Би-Ес дека Трамп не сака сојузните агенции повторно да бидат затворени, ниту, пак, да прогласи вонредна состојба, но дека е подготвен и за едното и за другото, доколку биде неопходно.

– Имајте на ум дека е подготвен да направи се што е потребно за да ја обезбеди границата, рече Малвени.

Тој наведе дека целта на Трамп е да соработува со Конгресот, во чиј Долен дом демократите имаат мнозинство.

Судирот на Трамп и демократите во Конгресот не е завршен, а законот што претседателот на САД го потпиша во петокот овозможува финансирање на сојузните агенции до 15 февруари.

Коронавирус