четврток, 15. април 2021. Вести денес: 164
home Вести

Бајден ги заострува мерките против слободно купување оружје

Бајден ги заострува мерките против слободно купување оружје

Соочен со притисок да дејствува брзо заради последниот бран на вооружено насилство, американскиот претседател Џозеф Бајден вечерва откри пакет мерки со кои Америка ќе се бори против бројните напади.

„Вооруженото насилство во оваа земја стана епидемија и тоа е срамота пред меѓународната заедница“, рече Бајден, а пренесе Си-Ен-Ен.

Потезите, за кои Бајден рече дека немаат никаква врска со мешање во Вториот амандман за правото на носење оружје, вклучуваат напори за ограничување на употребата на „невидливо“ оружје, односно нерегистрирани пиштоли и пушки што исто така може да се купат преку Интернет.

Потезите се ограничени во обем и не ги следат чекорите што Бајден вети дека ќе ги направи кога рече дека ќе изврши притисок врз Конгресот.

Сепак, Конгресот го исполнил ветувањето од минатиот месец, велејќи дека ќе преземе чекори во согласност со „здравиот разум“.

Бајден објави дека ќе го номинира Дејвид Чипман да ја води контролата на оружјето, а тој ќе биде одговорен и за Бирото за алкохол, цигари, огнено оружје и експлозиви, кое нема постојан директор од 2015 година, според Си-ен-ен

Бајден истакнал дека ова се само првите чекори насочени против вооруженото насилство, а подоцна ќе се воведе забрана за набавка на одредени видови оружје, како и универзална проверка на секој што сака огнено оружје, сето тоа на барање на Конгресот.

Коронавирус