среда, 28. октомври 2020. Вести денес: 99
home Вести

Апокалиптични сцени во Русија: Мртви птици паѓаат од небо (ВИДЕО)

Апокалиптични сцени во Русија: Мртви птици паѓаат од небо (ВИДЕО)

На руските социјални мрежи корисниците споделија видеа на кои се гледа како десетици мртви птици паѓаат од небото и лежат по улиците на градот Балаково, каде што има нуклеарна централа, пишува Раша Тудеј (РТ).

Првите слики од овој необјаснет феномен се појавија на руската социјална мрежа В контакти, на страницата „Типично Балаково“, посветена на градот кој се наоѓа на околу 1.000 километри јужно од Москва и во чија близина има голема нуклеарна централа.

Во коментарите под сликите, локалните жители наведуваат голем број теории за тоа што можело да предизвика масовна смрт кај птиците.

Додека некои укажувале на природни феномени, како што се силни ветрови или судир на две јата, други обвинија огномети, загадување, па дури и 5Г мрежа, иако таа сè уште не постои во Русија.

Коментарот кој доби најмногу лајкови потсетува дека хит телевизиската серија на ХБО „Чернобил“ чија тема е нуклеарната катастрофа од осумдесеттите, почнува со умирање на птици.

Ветеринарниот оддел на Саратов објави дека ја истражува причината за овој инцидент, додека се појавуваат и теории дека може да станува збор за птичји грип.

Сепак, некои корисници на социјалните мрежи не им веруваат на експертите од Саратов и повикуваат експерти од Москва да дојдат во Балаково за да утврдат за што станува збор. (МИА)

Коронавирус