петок, 18. септември 2020. Вести денес: 22
home Вести

Албанија ќе набави мали американски беспилотни летала

Албанија ќе набави мали американски беспилотни летала

Албанија планира да набави шест мали американски беспилотни летала РК-20Б Пума и соодветна опрема за извидување.

Станува збор за беспилотни летала што се лансираат „од рака“ и се користат за извидување во пешадија, специјални единици и морнарица.

„Сличен мал дрон, израелскиот Скајларк, го користат армиите на Хрватска, Унгарија и Северна Македонија“, пишува порталот Балканска безбедносна мрежа, додавајќи дека Пума е летало на новата генерација со опсег од 20 километри и може да помине максимум три часа на максимална височина од 150 метри.

Производителот на тие летала, американската компанија Аероваорнмент, испратиле официјално барање за склучување договор до Командата на американската армија, која е одговорна за издавање дозволи за извоз на овој вид воена опрема.

Договорот предвидува албанската армија да набави шест беспилотни летала, три дигитални линкови за пренесување информации, шест комплети резервни делови, седум комплети опрема за извидување и

софтвер, како и двегодишен договор за логистичка поддршка.

Договорот се очекува да биде одобрен од американските институции до крајот на годината, со рок на испорака до крајот на 2022 година.

Примарната цел на беспилотните летала ќе биде во морнарицата, пешадијата, извидување и специјалните единици на албанската армија.

Коронавирус