четврток, 25. април 2019. Вести денес: 0
home Вести

Африканската свинска чума има во 294 населени места во 18 области во Романија

Африканската свинска чума има во 294 населени места во 18 области во Романија

Африканска свинска чума е регистрирана во 294 села во 18 романски области, и утврдени се 1.124 жаришта на болеста.

Ова вчера го соопштија претставници на Националната санитарно- ветеринарна служба кои ги цитира електронското издание на весникот „Романија Либера“.

Според податоците од Националната санитарно-ветеринарна служба, африканска свинска чума е утврдена во 16 свињарски фарми и кај 300 диви прасиња. Досега се убиени вкупно 361.719 свињи кои биле погодени од болеста.

Санитарно-ветеринарната служба, исто така, соопшти дека до сега се уништени шест жарипта во областа Сату Маре (северозападна Романија) и единственото жариште во областа Дамбовицата, во јужниот дел на земјата.

Првиот случај на африканска свинска чума во Романија беше регистриран на 31 јули 2017 година во округот Сату Маре.