понеделник, 25. октомври 2021. Вести денес: 192
home Вести

Абас: Израел има една година да се повлече од окупираните територии

Абас: Израел има една година да се повлече од окупираните територии

Палестинскиот претседател Махмуд Абас даде рок од една година за Израел да се повлече од окупираните палестински територии, во спротивно палестинската власт повеќе нема да ја признава еврејската држава во границите од 1967 година.

Во онлајн говор на 76. сесија на Генералното собрание на ОН од своето седиште во Рамала, Абас повторно го повика генералниот секретар на ОН Антонио Гутереш да свика меѓународна мировна конференција.

-Ако не успееме, тогаш зошто да го одржуваме признавањето на Израел?, Рече Абас.

Тој додаде дека Израел има година дена да се повлече од палестинските територии окупирани во 1967 година, вклучително и Источен Ерусалим.

-Подготвени сме да работиме на разграничување во текот на таа година и да ги решиме сите прашања поврзани со конечниот статус на двете идни држави, Израел и Палестина. Ако не успееме во тоа, тогаш зошто да го одржуваме признавањето на Израел врз основа на границите од 1967 година?, Праша Абас.

Тој додаде дека палестинската власт ќе се обрати до Меѓународниот суд на правдата со барање да донесе одлука за легалноста на окупацијата на територијата на палестинската држава.

Израел веднаш ги отфрлил барањата на палестинскиот лидер.

-Повторно покажува дека не претставува ништо. Оние што искрено го поддржуваат мирот и преговорите не се закануваат со измамнички ултиматуми, изјави израелскиот амбасадор во ОН Гилад Ердан. (МИА)

Локални избори 2021