вторник, 25. февруари 2020. Вести денес: 51
home Регион

Запалени 18 возила на различни локации во Атина

Запалени 18 возила на различни локации во Атина
ИЛУСТРАЦИЈА

Во периодот меѓу 1 и 3 часот по полноќ, непознати сторители во неколку различни населби во Атина запалиле 18 паркирани возила, а ова е трета ноќ по ред со идентични инциденти, јави дописничката на МИА од Атина.

Според Противпожарната служба на Грција, во населба во северниот дел на Атина, на три различни улици биле запалени 12 паркирани автомобили, а во гаснењето учествувале 20 пожарникари со седум возила.

Кусо подоцна, во близина на центарот на Атина биле опожарени три паркирани комбиња, а на друга локација уште две, додека пак во населба во северниот дел на градот бил запален еден автомобил.

Ова е трета ноќ по ред, непознати лица да палат паркирани автомобили. Од понеделникот до денеска, биле запалени најмалку 34 возила на различни локации во Атина.