четврток, 20. септември 2018. Вести денес: 19
home Регион

Водачот на турските Курди Демирташ осуден на четири години и осум месеци затвор

Водачот на турските Курди Демирташ осуден на четири години и осум месеци затвор
epa06816343 Supporters of imprisoned Selahattin Demirtas, Presidential candidate of People's Democratic Party (HDP), hold HDP and Turkish flags with picture of of Demirtas during an election campaign office in Istanbul, Turkey, 17 June 2018. Turkish President Erdogan announced on 18 April 2018 that Turkey will hold snap elections on 24 June 2018. The presidential and parliamentary elections were scheduled to be held in November 2019, but government has decided to change the date following the recommendation of the Nationalist Movement Party (MHP) leader Devlet Bahceli, EPA-EFE/SEDAT SUNA

Поранешниот лидер на турската Народна демократска партија (ХДП) Селахатин Демирташ денеска беше осуден на четири години и осум месеци затвор поради ширење на терористичка пропаганда.

ХДП е една од водечките партии на турските Курди и Демирташ беше еден од најуспешните нејзини лидери откако освои 13 проценти од гласовите на изборите во 2015 година. Во ноември следната година, по обидот за државен удар против претседателот Реџеп Тајип Ердоган, Демирташ беше обвинет дека ширел терористичка пропаганда со изјави кои ги дал во 2013 година. Заедно со Демирташ беше осуден и Сири Суреја Ондер, поранешен пратеник на ХДП, кој доби казна од три и пол години затвор.

Партијата ХДП, по изрекувањето на пресудата, оцени дека со неа турската Влада решила да продолжи да води политика на војна против Курдите. Претседателот Ердоган го обвинува Демирташ дека со своите активности придонел кон серијата безредија и бунтови за поддршка на Курдите во Сирија во 2014 година, кога десетици курдски цивили загинаа во судири со турските безбедносни сили.