сабота, 25. септември 2021. Вести денес: 100
home Регион

Во Грција уапсен чешки државјанин кој криумчарел 20 нелегални мигранти

Во Грција уапсен чешки државјанин кој криумчарел 20 нелегални мигранти

Во изнајмено комбе, без важечка возачка дозвола, 39 годишен странски државјанин пренесувал 20 нелегални мигранти во Грција и бил уапсен на автопатот Кавала – Солун во близина на туристичкото место Аспровалта, јави дописничката на МИА од Атина.

Од грчката полиција соопштија дека конкретното возило било запрено за контрола на автопатот, по што биле откриени и мигрантите.

Грчката новинска агенција АНА-МПА објави дека уапсеното лице, односно возачот е чешки државјанин, а мигрантите се од Сирија и Сомалија и немаат документи за легален престој во Грција.

Уапсениот ќе одговара пред јавен обвинител за нелегално пренесување мигранти и нивно внесување во Грција. (МИА)

Коронавирус