среда, 27. јануари 2021. Вести денес: 61
home Регион

Тензија која се заканува со хаос: 2 000 грчки десничари ќе одат на погребот на Кацифас во Албанија

Тензија која се заканува со хаос: 2 000 грчки десничари ќе одат на погребот на Кацифас во Албанија

Случајот со Константинос Кацифас, кого минатата недела на југот од Албанија го уби албанската полиција, ги зголеми тензиите на релација Атина-Тирана, пишува српски Телеграф. Дополнителен проблем, како што пренесува РТС, може да биде неговиот погреб, посебно по најавата на 2 000 грчки десничари кои се подготвуваат да присуствуваат на последното испраќање.

„Ова е нова студена војна, налик на таа од почетокот на деведесетите години од минатиот век“, пишува Катимерини, наведувајќи серија обвинувања на сметка на албанскиот третман на малцинските заедници, вклучувајќи ја националистичката реторика, нетранспарентната истрага за смртта на Кацифас и крајно навредливите транспаренти кои во текот на викендот се појавија на фудбалските стадиони во Албанија.

Грчките десничари тврдат дека Кацифас е ладнокрвно убиен, иако албанската полиција повеќе пати наведе дека тој е убиен откако пукал на полициското возило, по што побегнал во блиската шума.

Верзијата на албанската полиција ја следи снимка на која се гледа како Кацифас пука од калашников.

Семејството на настраданиот Грк тврди дека Кацифас е убиен откако го фрлил оружјето и ги кренал рацете.

Неговото тело се уште се наоѓа во рацете на албанските истражни органи, но адвокатот на семејството изјавил дека телото ќе му биде предадено на семејството најдоцна утре.

Коронавирус