недела, 25. октомври 2020. Вести денес: 0
home Регион

Столтенберг: Косовските царини за српските артикли не се од помош

Столтенберг: Косовските царини за српските артикли не се од помош

Генералниот секретар на НАТО, Јенс Столтенберг истакна дека Алијансата го поддржува продолжувањето на дијалогот на Белград и Приштина.

– Повеќе пати нагласив дека царините од 100 проценти што Косово ги воведе за артиклите од Србија не се од корист, изјави Столтенберг.

Тој преку видео-конференциска врска за годишниот извештај на работата на Алијансата во 2019 година истакна дека НАТО останува посветен на мисијата КФОР на Косово.

Столтенберг изјави дека ги поддржува сите напори за повторно да почне дијалогот Белград и Приштина бидејќи тоа е единствениот начин да се постигне трајно решение за конфликтот во регионот.

Генбералниот секретар повика и на намалување на тензиите во Косово. И додаде дека НАТО останува посветен на мисијата на КФОР на Косово и дека КФОР има јасен мандат од ОН со цел одржување сигурност и безбедно опкружување на сите луѓе кои живеат во Косово.

НАТО има клучна улога и кога е во прашање воздушниот сообраќај над Косово и работи на тоа да го нормализира воздушниот простор над Косово за да ја нормализира ситуацијата во регионот.

За време на видео обраќањето, генералниот секретар на НАТО изјави дека НАТО останува целосно оперативен во околностите предизвикани од пандемијата КОВИД-19.

Коронавирус