петок, 26. ноември 2021. Вести денес: 152
home Регион

Стилијанидис: Во невремето во Атина ќе имавме и до 300 загинати, ако се потврдеа прогнозите и ако не преземевме мерки

Стилијанидис: Во невремето во Атина ќе имавме и до 300 загинати, ако се потврдеа прогнозите и ако не преземевме мерки

Ќе имавме и до 300 загинати во Атина, ако се потврдеа метеоролошките прогнози и ако не преземевме мерки, вели министерот за климатска криза и цивилна заштита на Грција, Христос Стилијанидис во интервјуто за првата програма на грчкото државно радио, говорејќи за невремето што пред една седмица ја зафати земјата, јави дописничката на МИА од Атина.

Откако во четвртокот голем дел од Атина беше под вода, Владата донесе одлука, во текот на ноќта еден од најфреквентните булевари, кои често се поплавуваат, да биде затворен за сообраќај, а учениците следниот ден да останат дома.

Стилијанидис објасни дека за периодот од 3 до 6 наутро постоеле прогнози дека градот ќе го зафати силна бура, но и опасност од излевање на реката Кифисос, што било причина да се донесат превентивните мерки

-Ако се потврдеа метеоролошките податоци, за ноќта во четвртокот и во петокот наутро во Атина, ако ги оставевме автомобилите да се движат слободно, децата да одат на училиште и доколку имавме излевање на реката, постојат процени дека ќе имавме до 300 мртви, истакна Стилијанидис и додаде дека нивната намера не е при најмала проблем да се затвора градот, туку треба да бидат подготвени за да се избегне најлошото.

Посочи дека земјата ги нема потребните и неопходните инфраструктури за справување со последиците од лошите временски појави, но истакна дека формирањето на Министерството за климатска криза е „знак на политичка волја“.  (МИА)

Коронавирус