четврток, 23. мај 2019. Вести денес: 59
home Регион

Словенците остануваат без најпознатиот бренд, Горење се сели во Србија

Словенците остануваат без најпознатиот бренд, Горење се сели во Србија

Фабриката Горење Ваљево, член на Горење груп, којашто од минатата година е во мнозинска сопственост на кинеската Hisense group, во следниот период се очекува да прерасне во европски центар за производство разладна техника, пишува Политика.

“Во тек е процес на селење на производството на сите фрижидери и посебна линија на вградени фрижидери од Велење во Ваљево, што наскоро треба да биде завршено и очекуваме нивното производство да започне на први април, а може и порано“, изјави Симон Кумер, директор на Горење Ваљево.

Во оваа фабрика ќе се произведуваат околу 150.000 фрижидери од новата генерација на словенечкиот бренд, а направената инвестиција е околу четири милиони евра. Се очекува најдоцна од први април комплетната разладна техника на Горење да биде произведена во Ваљево. Планирано е да се изгради уште еден производен погон, чиј капацитет ќе биде 750.000 уреди годишно. Пробното производство во новиот погон, што ќе отвори 1.000 работни места, да почне во октомври следната година, а со редовна работа да стартува од јануари 2021 година.