понеделник, 24. февруари 2020. Вести денес: 165
home Регион

Силниот ветар му ги скрши теглите со мед на продавачот, постапката на Харадинај ги изненади сите

Силниот ветар му ги скрши теглите со мед на продавачот, постапката на Харадинај ги изненади сите

Косовскиот премиер Рамуш Харадинај наложи од буџетски средства да му се исплатат 30-те тегли мед на еден производител, кому силниот ветар денеска му ги урна од тезгата и се искршија во центарот на Приштина, јави дописникот на МИА.

На малиот, мобилен пазар, на плоштадот „Мајка Тереза“ во косовскиот главен град, домашни производители два пати во текот на неделата имаат можност да ги продаваат своите производи, а денеска, на еден од нив, му се случи непријаност, кога силниот ветар му ја урна тезгата заедно со 30 тегли мед, кои сите се искршија.

Кабинетот на премиерот Харадинај, откако медиумите ја објавија информацијата, соопшти дека се земени податоците од оштетеното лице и „во редовна процедура, преку одредени буџетски линии, премиерот Харадинај ја потпиша одлуката за компензација“. (МИА)