четврток, 26. мај 2022. Вести денес: 190
home Регион

Пукотници за време на снимањето на американска серија во Пула – луѓето почнале панично да бегаат

Пукотници за време на снимањето на американска серија во Пула – луѓето почнале панично да бегаат

Оваа недела во Пула започна снимањето на серијата „ФБИ: Интернационал“, поддржана од Дик Волф и Дерек Хас. Дик Волф, меѓу другото, е познат по познатата серија Law and Order, како и низа други достигнувања, а FBI International е продолжение на франшизата за ФБИ, која се фокусира на акции надвор од САД, пишува „Вечерњи лист“.

Акционите сцени се снимаат во центарот на градот и пред арената Пула, а поради пукотниците кои одекнуваат во градот, многумина минувачи кои не знаеле дека се снима серијата почнале да бегаат.

Дејствието на серијата се одвива во Пула, каде што се снима, а главните улоги ги толкуваат Лук Клајнтанк, Хајда Рид, Картер Редвуд, Ванеса Видото и Александра Пол, кои гледачите ќе имаат можност да ги видат во улогите на елитните агенти на ФБИ.

Во серијата беа ангажирани и повеќе од 300 локални статисти кои мораа да поминат низ кастинг, односно аудиција, што предизвика голем интерес уште првиот ден.

Инаку, американската крими серија која е спин оф на серијата „ФБИ“ треба да почне да се емитува кон крајот на септември годинава, но се уште не знаеме која од телевизиските куќи ќе ја купи.

Серијата моментално има просечна оцена од 6,3 / 10 на интернет базата на податоци за филмови, пренесуваат медиумите.

Коронавирус