среда, 25. ноември 2020. Вести денес: 41
home Регион

Прегрнати заминале во смрт: Во вила близу Атина пронајдени 26 изгорени тела, има сомнежи дека страдало цело семејство (ВИДЕО)

Прегрнати заминале во смрт: Во вила близу Атина пронајдени 26 изгорени тела, има сомнежи дека страдало цело семејство (ВИДЕО)

Во одмаралиштето Мата, во една вила се пронајдени 26 изгорени тела на луѓе настрадани во големиот пожар кој го зафати овој дел близу Атина.

Огнената стихија која ја зафати околината на Атина не се намалува од вчера, а локалните медиуми и итните служби јавуваат дека бројот на жртви рапидно се зголемува.

Во една вила во одморалиштето Мата, на околу 40-тина километри од главниот град Атина, пронајдени се 26 изгорени тела. Како што пренесува тамошниот Црвен крст, се претпоставува дека во прашање биле членови на семејства, а многу од нив се пронајдени гушнати.

-За жал пронајдовме 26 изгорени тела, меѓу две куќи во местото Аргира Акти, изјави Никос Економопулос од грчкиот Црвен крст за државната телевизија.

-Тела се пронајдени на брегот, 15 метри од брегот. Полициските сили ја блокираа областа. Овие луѓе најверојатно се обиделе да побегнат до брегот, но огнот ги блокирал, изјави фотограф на агенцијата АНА.

Бројот на официјално потврдени загинати во вчерашните пожари во Грција е 50 лица, додека пак 172 се повредени од кои 11 сериозно, а по воден пат биле спасени 715 лица.

Како што јави дописничката на МИА од Атина, портпаролот на грчката влада и министер без ресор, Димитрис Ѕанакопулос, го соопшти билансот од пожарите, до 11.30 часот по локално време.

-До овој момент во болниците во Атика, згрижени се 156 возрасни лица, од кои 11 се во сериозна состојба и се поврзани на апарати и 16 деца чии животи не се во опасност. Во овој момент, за жал бројот на жртвите е 50 лица. Противпожарната служба, во соработка со полицијата продолжува со тешката задача на евиденцијата и информирањето ќе биде континуирано. Од друга страна, бродови на крајбрежната служба и нуркачки единици, ја проверуваат областа за пронаоѓање на можни заглавени, додека до овој момент, извлечени се вкупно 715 луѓе, главно од областа Мати, рече Ѕанакопулос.

Тој  додаде дека во спасувачката акција по море учествувале 12 брода на крајбрежната служба, 30 приватни чамци, додека пак од воената морнарица 1 фрегата, 2 брода, 3 хеликоптери и 3 глисери

Според портпаролот на грчката влада, продолжуваат напорите на државниот механизам за справување со последиците од вчерашните катастрофални пожари.

Коронавирус