вторник, 13. ноември 2018. Вести денес: 118
home Регион

Поранешни југословенски републики ја зајакнуваат соработката за идентификување на жртви од војните

Поранешни југословенски републики ја зајакнуваат соработката за идентификување на жртви од војните

Земји од поранешна Југославија се согласија да ја зајакнат соработката во идентификување на илјадниците луѓе кои исчезнаа за време на војните во 90-тите години од минатиот век.

Претставници на Србија, Хрватска, Босна, Косово и Црна Гора потпишаа договор со кој се прецизира како ќе работат заедно.

Околу 12.000 од вкупно 40.000 исчезнати во годините на распадот на Југославија се уште се неидентификувани. Остатоците на околу 4.000 од нив се уште се чуваат во мртовечниците во регионот.

Поранешните југословенски републики се договориле да разменуваат информации и да им дозволат на претставниците на повеќе од една земја да учествуваат во ексхумација на евентуални гробови.

Меѓународната комисија за исчезнати лица со седиште во Хаг ќе помага во идентификување на жртвите преку проверка на ДНК, ќе раководи со размената на информации и ќе обезбеди поддршка за базата на податоци.

МИА