четврток, 21. јануари 2021. Вести денес: 162
home Регион

Нов обид на косовската опозиција да го спречи Тачи да преговара за промена на границата

Нов обид на косовската опозиција да го спречи Тачи да преговара за промена на границата
epa06693925 President of the Republic of Kosovo Hashim Thaci atttends a press conference with President of the European Council Donald Tusk (unseen) during a meeting in Pristina, Kosovo, 26 April 2018. Donald Tusk arrived in Pristina for a one day official vist. EPA-EFE/PETRIT PRENAJ

Косовското Собрание денеска треба да одржи вонредна седница, на која, на барање на опозицијата, ќе се расправа за дијалогот со Србија и за идеите на претседателот Хашим Тачи за размена на територии, односно „корекција на границата“ меѓу двете земји, јави дописникот на МИА од Приштина.

Пратеничката група на Демократскиот сојуз на Косово (ЛДК) заедно со онаа на втората најголема опозициска партија, Движење Самоопределување (ВВ), имаат изготвено резолуција, со која му се забранува  на претседателот и на било кој друг да преговара за територијата на Косово.

Тачи последните неколку месеци упорно ја промовира идејата за „корекција на границата“ со Србија, со што, според него, Прешевската Долина би се припоила кон Косово, а на Србија за возврат не би се дало ништо од косовската територија. Највисоките српски претставници, пак, се залагаат за, како што тие го нарекуваат тоа, „разграничување на Косово“.

Критики за заложбите за прекројување на границите има не само од опозицијата, туку и од поголемиот дел од претставниците на владејачките партии во Косово, пред се од премиерот Рамуш Харадинај, а против се и најголемиот дел од меѓународната заедница.

Вонредната седница е закажана за 10 часот, а потоа треба да продолжат неколку седници на Собранието кои беа прекинати поради немање кворум, од причина што беа бојкотирани од опозицијата. (МИА)

Коронавирус