понеделник, 18. октомври 2021. Вести денес: 174
home Регион

Лавров: ЕУ го сака балканскиот регион само за себе, односите со Србија се чисто стратешки

Лавров: ЕУ го сака балканскиот регион само за себе, односите со Србија се чисто стратешки

Постои дијалог на доверба меѓу Русија и Србија, изјави синоќа во Белград рускиот министер за надворешни работи Сергеј Лавров, нагласувајќи ја важноста на стратешкото партнерство меѓу двете земји, пренесува БГНЕС.

Говорејќи на заедничката прес-конференција по средбата со српскиот претседател Александар Вучиќ, Лавров рече дека најновата „потврда за доследниот развој на стратешкото партнерство на двете земји“ е состанок на Меѓувладиниот комитет, на кој се преземени „конкретни чекори“ за подобрување соработка.

– Сакам да ја истакнам стратешката природа на нашата врска. Пренесов топли поздрави и најдобри желби од претседателот (Владимир) Путин, ние сме решени да го продолжиме дијалогот на највисоко ниво, ги разгледавме можните контакти меѓу двајцата претседатели и ќе ја договориме оваа средба, рече Лавров.

Тој нагласи дека Русија останува зад тоа дека решението за косовското прашање треба да се заснова на почитување на Резолуцијата 1244 на Советот за безбедност на ОН и да се базира на директен дијалог меѓу Белград и Приштина и одобрен од Советот за безбедност на ОН.

Лавров, кој пристигна во Белград по повод 60-годишнината од Движењето на неврзаните, рече дека Русија е загрижена поради „провокацијата на северот на Косово“.

– Ја цениме воздржаноста на Србија и цврстиот став на претседателот Вучиќ, што овозможи да се реши кризата, рече шефот на руската дипломатија. Тој оцени дека е „време да се спроведат договорите постигнати пред неколку години“, особено за формирање на Заедница на српски општини.

– Ќе прифатиме секоја одлука што е добра за српскиот народ. ЕУ има посебна одговорност за дијалогот, бидејќи е одобрен од Генералното собрание на ОН. Претходните договори, мора веднаш да се спроведат, рече Лавров.

Министерот за надворешни работи на Русија рече дека разговарал со Вучиќ и за ситуацијата на Балканот.

– Србија е фактор на мир и стабилност во регионот и нејзините ставови мора да се земат предвид при каква било размена на мислења, рече Лавров.

Прашан за наводите дека Русија се меша во внатрешните работи на Западен Балкан, Лавров рече дека Москва е навикната на таквите тврдења.“.

– Ние сме во такви односи со Србија и другите земји во регионот што најважно за нас е взаемна корист и рамнотежа на интереси. Сите наши договори со Србија и другите земји во регионот се базираат на ова. Одамна знаеме дека ЕУ претендира на овој регион и дека смета дека другите нема што да бараат во него, рече Лавров.

Тој оцени дека ЕУ води политика која е далеку од конструктивна.

– Ни е кажано дека немаме право да преземаме иницијатива во оние делови од светот каде што ЕУ има свои интереси. Непотребно е да се каже, ова е неоколонијално размислување. Обвинувањата дека Русија крши одредени правила на меѓународното право на Западен Балкан се неосновани. Ако имате какви било докази, ве молиме дајте ги, рече Лавров.

Дипломатот заклучи дека има „пристрасност кон руските вакцини од политички причини“, мислејќи на тоа дека се уште не е постигнат договор со Москва за заемно признавање на потврдата за вакцинација.

Локални избори 2021