сабота, 20. октомври 2018. Вести денес: 85
home Регион

Кина планира да инвестира во фабрика за лековити билки во Србија

Кина планира да инвестира во фабрика за лековити билки во Србија

Кина е заинтересирана за инвестирање во производство на лековити билки во Србија и во посета на српското Министерство за земјоделство престојува кинеска делегација.

Според кинескиот амбасадор во Србија, Ли Манчанг, целта на посетата е воспоставување соработка за производство на лековити билки.

– Сакаме да инвестираме во изградба на фабрика за преработка на лековити билки. Ако почнеме овде да одгледуваме лековити билки, тогаш Кина може да почне да увезува се што се произведува во Србија, изјави Манчанг.

Кинескиот амбасадор во Србија нагласува дека целокупното производство во Србија би било малку за задоволување на потребите на Кина и посочува дека се уште нема меѓудржавен договор за извоз на српска пченка и пченица.

Освен земјоделството, Манчанг посочува дека кинеските компании се заинтересирани за соработка со партнери од Србија во областа на ИКТ, заштита на животната средина и одржлив развој, електро и фармацевтската индустрија.