вторник, 19. јануари 2021. Вести денес: 47
home Регион

Кабинетот на Тачи тврди дека во Брисел ќе се разговара за Прешевската Долина

Кабинетот на Тачи тврди дека во Брисел ќе се разговара за Прешевската Долина

Иако се уште не се знае кога точно ќе се одржи наредната средба во Брисел во рамките на финалната фаза од преговорите меѓу Косово и Србија, од Кабинетот на косовскиот претседател Хашим Тачи тврдат дека на неа ќе се разговара за барањето на Албанците од Прешевската Долина за обединување со Косово, јави дописникот на МИА од Приштина.

Неименуван извор од кабинетот на Тачи за весникот „Зери“ изјави дека на наредната средба на косовскиот со српскиот претседател Александар Вучиќ ќе се разговара и за модалитетите за постигнување обврзувачки договор меѓу двете држави.

Весникот потсетува дека и пред последната средба, на почетокот на месецов, се најавуваше дека ќе се разговара за Прешевската Долина, но тоа не се случи.

Освен опозицијата, која му го оспорува мандатот на Тачи да преговара со Србија, против идејата на косовскиот претседател за корекција на границите се и две од трите партии на Албанците во владејачката коалиција – Алијансата за иднината на Косово (ААК) на премиерот Рамуш Харадинај и Иницијативата за Косово (Нисма) на вицепремиерот Фатмир Лимај. Третата партија, Демократската партија на Косово (ПДК) на собранискиот претседател Кадри Весели, го поддржува Тачи, кој е нејзин основач и доскорешен лидер, како главен преговарач со Србија, но се воздржува од коментирање на неговата идеја за корекција на границите.

Коронавирус