вторник, 26. јануари 2021. Вести денес: 0
home Регион

Хрватски лекар оценува дека „затворање“ е единствен излез за справување со епидемијата

Хрватски лекар оценува дека „затворање“ е единствен излез за справување со епидемијата

Пулмологот Саша Срича смета дека најновите построги мерки за спречување на ширење на коронавирусот во Хрватска биле донесени со добра намера, но предоцна и изрази стравување дека т.н. локдаун е единственото решение.

– Стравувам дека локдаун е единственото решение што ни преостанува, изјави Срича за загрепската Н1 телевизија.

Тојсмета дека досега преземените мерки за спречување на ширење на вирусот се козметички.

– Ова се мерки од козметичка природа и нема да можат да ги запрат бројките, рече Срича, кој работи во болницата Дубрава, и појасни дека во моментот во болницата доаѓаат повеќе пациенти отколку што се испишуваат.

– Се обидуваме. Пациентите кои лежат поради ковид не можат да бидат испишани пред десеттиот ден. Многу пациенти развиваат разни компликации, клиничката слика е доста бизарна, рече Срича

Тој очекува дека и шаторите наскоро би можеле да започнат да се полнат.

– Ќе има доволно шатори, но прашањето е дали ќе има доволно персонал, рече тој, истакнувајќи дека здравствениот систем е во алармантна, ако не и критична фаза. (МИА)

Коронавирус