недела, 24. октомври 2021. Вести денес: 0
home Регион

Грција ќе го намалува бројот на бегалци во камповите

Грција ќе го намалува бројот на бегалци во камповите

Грчката Влада најави дека ќе преземе мерки за намалување на бројот на лица сместени во пренатрупаните бегалските кампови на островите во Егејското Море.

Грчкиот министер за миграции Димитрис Вицас при денешната посета на островот Лезбос, соопшти дека Владата во Атина планира до крајот на септември да го намали бројот на мигрантите сместени во камповите на пет грчки острови од сегашните 15.500 на 6.500, колку што е и капацитетот на овие прифатни центри.

Најавата доаѓа по се погласните протести на локалните жители дека мигрантската криза му нанесува сериозни штети на туризмот, кој е водечки стопански сектор во Грција.

Плановите на грчката Влада за намалување на бројот на лица сместени во бегалските камповите се најавени во време на зголемување на бројот на мигранти што пристигнуваат на грчките острови од територија на Турција.

Предвидено е грчкиот премиер Алексис Цишрас утре да го посети Лезбос, каде веќе се најавени протести на локалните жители.

МИА

Локални избори 2021