четврток, 6. мај 2021. Вести денес: 197
home Регион

Грција и Србија ќе ги договараат условите под кои Србите ќе може да летуваат на грчките плажи

Грција и Србија ќе ги договараат условите под кои Србите ќе може да летуваат на грчките плажи

Условите под кои српските граѓани ќе можат да ги поминат своите летни одмори до омилените дестинации на Јонското и Егејското Море, треба да бидат познати по денешната средба на српската министерка за туризам Татјана Матиќ со нејзиниот грчки колега Харис Теохарис во Белград.

Директорот на здружението на приватни туристички агенции на Србија, Александар Сеничиќ, кој ќе разговара со Теохарис посочува во изјава за Новости, дека еден од приоритетите е да се овозможи влез на сите што биле вакцинирани, без оглед на потеклото на вакцината, но и на оние кои не се вакцинирани.

– Многу е важно граѓаните кои не биле вакцинирани да имаат избор и Грција да признае ПЦР или антиген, но и тест за антитела, што ќе им овозможи на луѓето да патуваат на поевтин начин, изјави Сеничиќ.

– Најважно е секој што ги исполнува условите да може да влезе во Грција и да го искористи својот одмор.

Изминатите денови медиумите во Србија објавија дека преминот Евзони, на границата на Северна Македонија и Грција, се планира да остане затворен и оваа година, освен за оние кои имаат потврда за престој во таа земја, затоа што Грците немаат техничка можност за тестирање таму повремено, објави весникот.

Сеничиќ вели дека, сепак, постои шанса преминот да се отвори.

Грчкиот министер Теохарис неодамна објави дека земјата ќе ги отвори своите граници на 14 мај и дека ќе биде потребно здравствено уверение, но исто така ќе бидат спроведени и случајни тестови.

Коронавирус