недела, 13. јуни 2021. Вести денес: 17
home Регион

Грчките студенти на протест

Грчките студенти на протест

Измени во високото образование, начинот на упис на факултетите, но и воведувањето универзитетска полиција, вклучени во предлог законот од Министерствата за образование и цивилна заштита на Грција, се причината студентиτе денеска да излезат на протести во центарот на Атина, но и во други грчки градови, и покрај забраната на полицијата за собири над 100 лица, јави дописничката на МИА од Атина.

Протестот е поддржан и од федерации и организации на просветни работници, универзитетски професори, претставници на синдикати, но и од подмладокот на опозициската СИРИЗА.

Οд вторникот наутро во Грција во сила е забрана за јавни собири на над 100 лица, а завчера, извори од полицијата, за грчките медиуми објаснија дека конкретната одлука не е поврзана со никаков закажан протест, односно со денешниот, но и дека одлуката не се однесува на присуството на граѓаните во областите поврзани со трговијата, односно продавниците и сл.

Токму овој став, беше искористен за да се направи плакат за протестот што се споделува на социјалните мрежи и наместо на протест, да повикаат на „шопинг“, а збирното место е онаму каде што ќе се одржи собирот на студентите.

ЕУРО 2020

Македонија