недела, 29. ноември 2020. Вести денес: 66
home Регион

Грчкиот Парламент го изгласа законот за додаток од 2000 евра за секое новороденче

Грчкиот Парламент го изгласа законот за додаток од 2000 евра за секое новороденче

Со големо мнозинство грчкиот Парламент вчера го изгласа членот од законот од Министерството за труд и социјални работи на Грција што се однесува на новата владина мерка – додаток од 2.000 евра за секое новороденче од 1 јануари 2020, јави дописничката на МИА од Атина.

Предвидено е додатокот да се исплаќа на две рати по 1.000 евра, а потребно е да се исполнат одредени критериуми, меѓу кои и годишниот приход на семејството да не биде над 40.000 евра, мајката да е со легален и постојан престој во Грција, а доколку е од трета земја, потребно е најмалку 12 години да живее во Грција пред поднесувањето на барањето за додатокот.

Додатокот за новороденчињата не припаѓа во категоријата приходи и е ослободен од секаков дополнителен данок.

Коронавирус