недела, 2. октомври 2022. Вести денес: 37
home Регион

ФОТО: Убиен е шефот на грчката мафија, изрешетан со 22 куршуми

Областа поа убиство била блокирана, а полициски патроли го истражувале теренот. Василис Стефанакос, не е случајно име во грчкото подземје, особено во последните две децении, кога се појавија нови лидери од претходните „цивилни“ мафијашки војни. Голем број полицајци го сметаат за шеф на третата генерација на грчката мафија.
ФОТО: Убиен е шефот на грчката мафија, изрешетан со 22 куршуми

Демонстративно јавно убиство на познато лице од ноќниот живот на Грција ја стави на голема мака грчката полиција, пишуваат локалните медиуми.

Според нив доцна синоќа на булевар Атинон во населбата Хајдари, каде што се наоѓаат канцелариите на неговата компанија која ја држи со својот брат, двајца мажи со мотор, го пресретнале автомобилот во кој се наоѓал Василис Стефанакос. Во него пукале од калашников, а потоа убијците избегале. Тој е изрешетан со 22 куршуми.

Василис Стефанакос излезе од затвор пред година и пол, каде лежел 9 години. Тој ги искористил поволните одредби на законот „Параскевопуло“.

Областа поа убиство била блокирана, а полициски патроли го истражувале теренот. Василис Стефанакос, не е случајно име во грчкото подземје, особено во последните две децении, кога се појавија нови лидери од претходните „цивилни“ мафијашки војни. Голем број полицајци го сметаат за шеф на третата генерација на грчката мафија.

Тој во декември 2006 година е осуден на 14,5 години затвор за заштита и шверц.

Во 2016 година осудениот за тешки злосторства Василис Стефанакос го претепал во затвор поранешниот грчки министер 77-годишниот Цохазопулос, кој отслужува затворска казна за затајување данок и поткуп при воени испораки. Законот „Параскевопуло“ беше објавен во Службен весник на 27 април 2015 година и до 14 декември 2015 година – според официјалните податоци на владата на Ципрас ослободени се од затвор околу 1800 лица.

Затворениците беа ослободени врз основа на еден од трите закони кои делуваат во комбинација, и се однесуваат на луѓе со ниски казни (од 3 до 5 години), со висок процент инвалидност, одлежана 3/5 од казната, малолетници или странски државјани.

Коронавирус