недела, 13. октомври 2019. Вести денес: 105
home Регион

Договорен брак заврши трагично: Млада Албанка брутално убиена, вереникот се сомневал дека не е девица (ФОТО)

Договорен брак заврши трагично: Млада Албанка брутално убиена, вереникот се сомневал дека не е девица (ФОТО)

Арбен Реџа (32), Албанец од Лондон, минатата недела е осуден е на 10 години затвор поради убиство во состојба со намалена пресметливост. Реџа на крајот од јануари 2016-та година, практично и ја отсече главата на својата вереница Елидона Демирај (25) бидејќи се сомневал дека не е девица.

Арбен Реџа (32)

Елидона дошла во Лондон откако нејзиниот брак со Арбен Реџа (32) бил договорен во Албанија. Започнале да живеат заедно во неговиот стан во северен Лондон, три месеци пред бруталниот напад.

Елидона е убиена токму во тој стан, а сликата која  полицијата ја затекнала најблаго речено била хорор- на креветот лежело мртво тело на млада жена со дури 27 рани од нож на вратот и модрици на телото.

Истражителите утврдиле дека Елидона имала стари рани и лузни од убоди, поради што полицијата се сомневала дека злоставувањето траело подолго време.

-Ја пративме како невеста, сега ни ја враќаат мртва. Тој целосно ја изолираше во  тие три месеци и не и дозволуваше да запознае други луѓе. Елидона беше модерна девојка, многу пристојна и примерна. Сите ја сакаа и почитуваа, на училиште, на работа, секаде, изјавија на судењето нејзините родители.

Елидона со нејзиниот татко

Реџа сам повикал полиција кобниот ден и раскажал што се случило.