среда, 30. септември 2020. Вести денес: 20
home Регион

Дачиќ: Се уште е рано да се каже дали и кога ќе постигнеме компромис со Косово

Дачиќ: Се уште е рано да се каже дали и кога ќе постигнеме компромис со Косово
epa06681525 Serbia's Foreign Minister, Ivica Dacic, attends a press conference after a meeting with Portugal's Foreign Minister, Augusto Santos Silva (not pictured), at Necessidades Palace, in Lisbon, Portugal, 20 April 2018. EPA-EFE/MARIO CRUZ

Српскиот министер за надворешни работи Ивица Дачиќ, во Виена денеска изјави дека е премногу рано да се каже дали воопшто ќе  се постигне компромисно решение помеѓу Белград и Приштина.

Пред почетокот на неформалниот состанок на министрите за надворешни работи на ЕУ во Виена, каде што се присутни претставници на земјите кандидати, Дачиќ рече дека Србија е посветена на тоа да се постигне компромисно решение меѓу Белград и Приштина.

– Сепак, многу е рано да се разговара кога ќе биде ова и дали воопшто ќе дојде до компромисно решение, бидејќи не сум сигурен дека и другата страна го сака ова, истакна Дачиќ.

Тој додаде дека компромисот е во најдобар интерес на српскиот и на албанскиот народ.

– Веруваме дека тоа ќе придонесе за стабилноста на целиот регион. Тоа, се разбира, би значело и отворен пат во смисол на европските интеграции и членството во ЕУ, наведе Дачиќ.

Коронавирус