понеделник, 30. ноември 2020. Вести денес: 59
home Регион

Црногорската полиција заплени 205 килограми марихуана шверцувана од Албанија

Црногорската полиција заплени 205 килограми марихуана шверцувана од Албанија

Црногорската полиција во близина на брегот на реката Буна, заплени 205 килограми марихуана шверцувана од Албанија.

Според информациите на црногорската полиција, граничната патрола патролирајќи по границата меѓу Албанија и Црна Гора во близина на реката Буна, забележала четири лица кои носеле торби, ги оставиле и избегале.

Полициите на двете земји спроведуваат истрага за утврдување на идентитетот и апсење на нарко-шверцерите, како и лицата кои требало да ја преземат дрогата.

Албанските медиуми пренесувајќи ја веста наведуваат дека зачестени се обидите за криумчарење марихуана од албанска на црногорска територија, главно преку реката Буна и Скадарско Езеро.

Деновиве албанската полиција спречи шверц на повеќе од 200 килограми марихуана, која требало да биде шверцувана на територијата на Црна Гора.

Криумчарите, наведуваат медиумите, не мируваат и во правец кон Италија и Грција каде од почетокот на годинава полициите заплениле повеќе неколку тони мархуана од Албанија.

Коронавирус