понеделник, 10. август 2020. Вести денес: 2
home Регион

Центарот за мигранти е новото најголемо жариште на Ковид-19 во Италија

Центарот за мигранти е новото најголемо жариште на Ковид-19 во Италија

Најголемото појавување жариште на зараза со Ковид-19 во Италија во моментов е во градот Тревизо, во центарот за сместување на мигранти „Серена”, каде што се заразени речиси половина од 300 луѓе.

Позитивни не се само мигранти, туку и дел од персоналот што работи со нив.

„Мигрантите се виновни за сè” е тонот  кој преовладува во повеќето италијански медиуми, а претседателот на регионот Венето, Лука Заја, зборуваше во ист тон на прес-конференција.

Тој „центарот за мигранти, поранешната воена касарна „Серена”, го нарече црвена зона од која никој не смее да замине или да влегува сè додека постои ризик од ширење на инфекцијата.

Но, освен фактот дека половина од жителите на центарот се заразени, целосната вистина ја објави само весникот „Ил манифесто”.

Заразата „влегла” однадвор и се раширила меѓу мигрантите, пишува весникот и потсетува дека еден од вработените во Центарот, Италијанец, се вратил од Пакистан во јуни без да биде тестиран или во задолжителен карантин.

Покрај тоа, вработениот Италијанец, дури и кога ги имал првите симптоми на вирусот, продолжил да работи во кантината на Центарот и се обидел сам да се лекува, од страв дека ќе остане без работа.

Дури откако завршил во болница, надлежните спроведе тестирање, па прво откриле уште тројца позитивни, а потоа и другите 130.

Коронавирус