вторник, 13. ноември 2018. Вести денес: 118
home Регион

Анастасијадес повторно се заложи за децентрализирана сојузна влада на Кипар

Анастасијадес повторно се заложи за децентрализирана сојузна влада на Кипар

Претседателот на Кипар Никос Анастасијадес го повтори неговиот предлог за воведување децентрализирана сојузна влада, доколку се постигне договор за повторно обединување на етнички поделената држава.

Тој во телевизиско обраќање рече дека давање поголеми овластувања во зоните на грчкиот и турскиот дел на Кипар би го намалило „ќорсокакот“ при донесување одлуки на сојузно ниво и би го направило договорот многу поуспешен.

Анастасијадес не прецизираше кои одговорности би се префрлиле на зоните, но истакна дека ниту една децентрализација не би го загрозила територијалниот интегритет, суверенитет, безбедноста или економијата на Кипар.

МИА