вторник, 24. април 2018. Вести денес: 27
home Ракомет

Во Скопје почнува завршниот турнир во СЕХА лигата

Во Скопје почнува завршниот турнир во СЕХА лигата

Вардар од денеска до недела ќе биде домаќин на завршниот турнир во регионалната ракометна СЕХА лига. На турнирот што ќе се игра во СЦ „Јане Сандански“ покрај „црвено-црните“, кои се бранители на титулата, ќе настапат и ППД Загреб, Брест Мешков и Целје.

Актуелниот европски првак Вардар е најтрофеен клуб во историјата на СЕХА лигата со три титули, две има Веспрем и една Загреб.

Натпреварите од полуфиналната фаза се играат денеска, и тоа Вардар и Мешков Брест од 17:45 часот, а Загреб и Целје од 20:15 часот.

Во недела во истите термини ќе се одиграат натпреварите за третото место и финалето.

Скопје по 2013 година повторно е домаќин на овој турнир.

МИА