петок, 14. мај 2021. Вести денес: 0
home Ракомет

Вардар го совлада Металург во дербито од Супер лигата

Вардар го совлада Металург во дербито од Супер лигата

Машкиот ракометен шампион Вардар го победи Металург во Автокоманда со 31-27 во меч од ракометната Супер лига.

Металург ги одигра, веројатно, најдобрите 30 минути оваа сезона во плејофот, имаше тенко водство, но во 27. минута се одлепи на 14-11. Сепак, искусно и присебно, Вардар се врати, а со пенал во последните секунди изедначи на 15-15 на паузата.
На почетокот на вториот дел продолжи силно и поведе со 17-15, што значеше серија од 6-1, ако се смета од таа 27. минута. Во продолжение вардарци го негуваа водството, функционираше добро нивната одбрана 5-1, па растеше и водството. Во 52. минута достигна 29-24 и стануваше јасно дека неизвесноста заврши за овој натпревар. Вардар победи со 31-27.
Најефикасни на овој меч беа двете крила на хрватската репрезентација, Иван Чупиќ од Вардар и Златко Хорват од Металург кои постигнгаа по седум гола. Тимур Дибиров додаде шест гола, а Мартин Серафимов и Василие Калуѓеровиќ постигнаа по пет.

Коронавирус