Екипата на Алкалоид одигра доминантен дуел на гостински терен кај Бриксен, славеше со резултат 32-43 (18-23) и гледа кон следната фаза во Европскиот куп, третото по ранг натпреварување на ЕХФ.
Тимот на Кирил Лазаров доминираше на гостувањето од почетокот до крајот и заслужено се радува на европската победа, петта за клубот оваа сезона по четирите прeдходни.
Игор Ѓорѓиев со 7 гола заврши како најефикасен во составот на Алкалоид, додека Серафимов и Петковски постигнаа по 6 гола. Де Оливеира со 8 гола беше најефикасен кај екипата на Бриксен.
На голот на Алкалоид Кизиќ нанижа 12 одбрани, додека Галевски заврши со 8 интервенции.
Реваншот меѓу Алкалоид и Бриксен се игра во Скопје во салата „Автокоманда“ на 22 февруари.