четврток, 22. август 2019. Вести денес: 136
home Ракомет

Што мислат Шпанците за новиот тренер на Вардар

Што мислат Шпанците за новиот тренер на Вардар

Челниците на Вардар одлучија да менуваат ништо барем кога станува за потеклото на своите тренери. Следната сезона македонскиот тим кој ќе биде бранител на титулата во Лигата на шампионите, како и во СЕХА и домашниот шампионат, ќе биде во рацете на Шпанец. Тренерите од оваа земја се покажаа како полн погодок, хемијата која владее во таборот на „црвено-црните“ заедно со онаа шпанска „магија“ одлично се вклопи, на Вардар му донесе три години радост, три години редовно учество на Ф4, одново во три години две титули.

И одново, одлуката падна на име кое за нас не е познато. Давид Хосе Писонеро (46) е човекот кој ќе има за задача да продолжи по стапките на Роберто Гарсија Парондо и Раул Гонзалез.

Додека гледаме во неговото си-ви, од Шпанците добивме потврда во Скопје доаѓа Волшебникот од Ваљадолид.

Тој од тимот си оди како херој, како единствен тренер кој успеал да донесе убави денови.

„Неговата посветеност е пример за сите членови на клубот, благодарение на неговата работа и професионалност тимот достигна високи цели“, ова е само дел од комплиментите кои беа испратени на сметка на новиот тренер на Вардар.

Оваа сезона, Вањадолид ја одигра најдобрата сезона во АСОБАЛ-лигата го освои седмото место, ја забележа најдолгата низа на победи (седум во низа), освои рекордни 33 бода и на гости имаше биланс од седум победи и две ремија.

Сето ова е доволна најава дека европскиот првак Вардар ќе биде во сигурни раце, никој во Скопје и Македонија не сака да завршат оние магични денови исполнети со врвен ракомет во креација на „црвено-црните“.

Извор: sportmedia.mk