четврток, 22. април 2021. Вести денес: 93
home Ракомет

Ракометарите против Србија на контролен натпревар пред ЕП во Хрватска

Ракометарите против Србија на контролен натпревар пред ЕП во Хрватска

Машката ракометна репрезентација попладнево го игра вториот контролен натпревар во рамки на подготовките за Европското првенство во Хрватска. Противник на избраниците на селекторот Раул Гонзалес е селекцијата на Србија, која исто како и Македонија е учесник на ЕП.

Почетокот на дуелот е во 18 часот и се игра во Белград, а домаќинот со цел да има што повеќе навивачи се реши влезот за натпреварот да биде слободен.

Во првиот од двата контролни дуели, Македонија вчера убедливо ја совлада селекцијата на Саудиска Арабија со 37:21 и овој натпревар се играше во Белград.

По дуелот со Србија, македонските ракометари ќе имаат уште два слободни дена за Божиќните празници, а новиот собир ќе биде на 8 јануари. Во Скопје ќе се тренира три дена бидејќи селекцијата на Македонија патува на 11 јануари за Загреб.

Првиот натпревар на ЕП, Македонија го игра на 13 јануари против Словенија.

Коронавирус