вторник, 26. октомври 2021. Вести денес: 207
Во живо

Митинг на ВМРО-ДПМНЕ во Лисиче

home Ракомет

Оваа Македонија има иднина, фаворитот Црна Гора пак се мачеше за победа

Оваа Македонија има иднина, фаворитот Црна Гора пак се мачеше за победа

Женската ракометна репрезентација на Македонија забележа нов пораз во ЕХФ Евро Купот, откако одново беше поразена од фаворизираната селекција на Црна Гора, овој пат со 31-30. И покрај вториот неуспех во ова натпреварување, нашите девојки повторно оставија одличен впечаток и нивниот пристап на паркетот, како и големата борба, влева голема надеж во иднина. Селекторот Савевски и на овој натпревар шанса им даде на најмладите во својот ростар, кои одлично се справија со притисокот и најавија дека се иднината на нашиот женски ракомет.

Иако Црна Гора на овој меч започна со далеку поквалитетен и поискусен состав во однос на дуелот во Скопје од пред неколку дена, нашите девојки не потпаднаа под притисокот и одново му зададоа големи проблеми на фаворизираниот противник.

Миновска и Стојковска беа расположени за надигрување и токму со нивните голови Македонија не дозволи домаќинот да се фати ритам, а кон средината на првиот дел со голот на Јанкуловска, нашата селекција за првпат поведе со два гола разлика (5-7).

Домашниот селектор Бојана Поповиќ беше приморана да реагира со тајм-аут, по кој нејзините девојки девојките се созедоа и со серија од 5-0 ја вратија позитивата на своја страна (10-7). Сепак, Миновска, Стојковска и Дабевска не застанаа и во самиот финиш од првиот дел ги искористија грешките на Црна Гора и беа најзаслужни за егал резултатот на полувреме, 16-16.

Црногорките свесни дека одиграа под своето ниво во првите 30 минути, во вторите презедоа сè во свои раце и не оставија ништо на случајност. Радичевиќ, Брновиќ и Рамусовиќ влегоа во посакуваниот ритам и почнаа да го полнат нашиот гол.

Македонија влезе во грч и грешки во фазата на нападот, па тоа донесе лесни голови на домаќинот и водство од 27-22 на 15 минути до крајот на натпреварот. Но, младите девојки на Савовски не се предадоа и со деби-голот на младата Ризоска, се вратија на еден гол негатива (28-27). Сепак, искуството на Црна Гора беше пресудно во финишот, Македонија влезе во мини-криза која што беше казнета од притивникот за конечна победа на Црна Гора од минимални 31-30.

Локални избори 2021