петок, 25. септември 2020. Вести денес: 142
home Ракомет

Македонија има европски бренд: Вардар втора година по ред патува за Келн, ќе се бори за одбрана на трофејот

Македонија има европски бренд: Вардар втора година по ред патува за Келн, ќе се бори за одбрана на трофејот

Вардар ќе ја брани титулата во ракометната Лига на шампионите, откако во тежок меч, последен европски во ваков состав, изгуби 27:28 во уште една завршница за „срцев напад“, и по првата минимална гостинска победа од 29:28 да се пласира меѓу четирите најдобри европски тимови.

Тимот на Раул Гонзалес беше најдобар кога беше најтешко и најпотребно, „кршејќи“ го мечот во второто полувреме по 13:13 по првите 30 минути, и сега уште еднаш треба да потврди дека е најдобар клуб во Европа пред следната сезона да почне една нова ера за момците во „црвено-црно“.

Почетокот не беше најдобар за Вардар, откако дури шест минути не успеаја да постигнат гол против неверојатниот Никлас Ландин, за гостите да поведат со 0:3, за по ова македонскиот клуб охрабрен од преполната СЦ „Јане Сандански“ да направи пресврт за водство од 10:7. Сепак, Кил преку Зарабец и Вујин во финишот на полувремето не дозволија предност за домаќините и второто полувреме започна со 13:13.

Второто полувреме ја крена нервозата кај навивачите и кај гледачите на ТВ екраните, откако Вардар не успеваше да се одлепи од германскиот состав, кој покажа дека е во четврт-финалето сосема заслужено. Во финишот тие успеаја дури да дојдат до водство од 27:28, резултат кој сепак значеше пласман за Вардар на Ф-4

Вуко Борозан беше најрасположен за „гаѓање“ кај вардарци со постигнати шест гола, додека четири имаше Мораеш.

На Ф4 турнирот во Германија, Вардар веќе го чекаат два француски тима – Пари Сен-Жермен по вчерашната елиминација на Киелце, како и Нант на Кирил Лазаров, кои одиграа 27:27 на гостувањето кај данскиот Скјерн, но имаа високи шест предност од првиот натпревар.

И третиот противник може да биде француски, бидејќи Монпелје подоцна ги пречекува Флензбург откако првиот меч заврши со 28:28.

Коронавирус