четврток, 18. јули 2019. Вести денес: 28
home Ракомет

Куманово противник на Вардар во финалето на Купот на Македонија

Куманово противник на Вардар во финалето на Купот на Македонија

Екипата на ЖРК Куманово ќе игра во финалето на Купот на Македонија откако славеше со 29:22 (15:10) против Металург.

Гостинките од Скопје беа рамноправни само во првите дваесетина минути, но потоа Кумановки, бодрени од публиката ја презедоа иницијативата и на полувреме заминаа со +5 разлика. Во вториот дел домашните ракометарки ја зголемуваа предноста за на крајот да забележат убедлив триумф и да се пласираат во финалниот меч.

Најпрецизна кај домашната екипе беше Шарановиќ со 9 гола, додека кај Металург Гичевска реализираше седум погодоци.

Во саботното финале, домаќинот на турнирот ќе се сретне со ЖРК Вардар од 16 часот.