четврток, 12. декември 2019. Вести денес: 0
home Ракомет

Еурофарм Работник подготвен за дуелот со ППД Загреб

Еурофарм Работник подготвен за дуелот со ППД Загреб

Ракометарите на Еурофарм Работник се подготвени за натпреварот со тимот на ППД Загреб кој утре ќе се одигра во спортската сала „Боро Чурлевски“ во Битола.

Битолските „фармацевти“ со респект ќе го пречекаат хрватскиот шампион кој иако е фаворит на средбата, сепак со поддршка на публиката може да се победи, порачаа на прес конференција во Битола тренерот Божидар Мојсов и голманот Градимир Чаневски.

– Ќе се сретнеме со млада и мотивирана екипа. Очекувам тежок и неизвесен натпревар, но верувам дека нашите ракометари се подготвени за уште еден одличен настап и победа над ППД Загреб и Веселин Вујовиќ, изјави тренерот Мојсов.

Според Градимир Чаневски, чувар на мрежата на Еурофарм Работник, битолчани годинешните меѓународни настапи во Битола ќе ги завршат со победа за радост на спортската публика.