понеделник, 25. октомври 2021. Вести денес: 118
home Ракомет

Барса со славје кај Флензбург тргна во одбрана на тронот во ЛШ

Барса со славје кај Флензбург тргна во одбрана на тронот во ЛШ

Европскиот првак Барселона со триумф го започна патот кон одбрана на тронот во Лигата на шампионите, откако победи на тешкото гостување кај Флензбург во Германија со 21-25 (10-13).

Пресметката против бундеслигашот не беше лесна за каталонскиот тим, како и секое гостување во Германија во Лигата на шампионите. Иако Барса тргна добро и поведе со 4-1, домаќинот се врати до егал и 5-5. Шпанците пак одговорија добро, па до полувремето поведоа со највисоки плус четири, а на пауза заминаа со 13-10.

Пех за шампионот беше повредата на Лука Циндриќ, кој беше повлечен од игра рано. Сепак, Барселона одржуваше предност, Флензбург приоѓаше на по гол дефицит, ама немаше сили за повеќе. Во завршницата гостите се разиграа и ја кренаа маргината, па дојдоа и до пет гола предност, за на крајот да слават со 25-21.

Дика Мем беше најпрецизен на теренот, со седум реализации. По шест пати погодуваа Мелвин Ричардсон, Хампус Ване и Менсинг.

Локални избори 2021