понеделник, 23. ноември 2020. Вести денес: 135
home Останати спортови

Што ќе се случи во вашето тело доколку не пиете доволно вода додека вежбате?

Што ќе се случи во вашето тело доколку не пиете доволно вода додека вежбате?

Многумина од вас мислат дека е лошо да пиете вода за време на тренингот, но научниците и професионалните спортисти мислат поинаку: неопходно е да пиете вода додека вежбате.

Докажано е дека спортот има подмладувачки ефект за вашата кожа. На вашето тело му е потребна вода за да се овозможи циркулирање на крвта во телото.

Некои луѓе сметаат дека доколку не пијат вода за време на тренингот – побргу ќе го изгубат вишокот на килограми, но ова е најголемиот мит. Доколку не пиете вода, значително помалку ќе го потрошите вишокот на масните наслаги, а нормалната циркулација на крвта е загрозена бидејќи имате недостаток на вода.

Освен тоа, непотребните токсини ќе останат во вашето тело. Додека вежбате и пиете вода, вашето тело се ослободува од токсините преку потта. Доколку не пиете доволно вода, потењето нема да биде толку интензивно и вишокот на токсини ќе остане во вашето тело.

Исто така, може да дојде до згутчување на крвта што доведува до тахикардија, тешкотии со дишењето и висок крвен притисок.

Имено, телото се состои од 50 отсто вода која помага при регулација на температурата и циркулацијата. За време на изведување на вежбите за тело, нормално е да се почувствува блага дехидрација, бидејќи телото преку потта ослободува течност, но шишето со вода секогаш треба да биде до вас.

Научниците велат дека ладната вода значително го одложува и намалува зголемувањето на телесната температура при вежбање, а исто така ја зголемува и издржливоста.

Додека вежбате се препорачува да консумирате 150 до 250 милилитри вода на секои 15 до 20 минути.

Коронавирус