сабота, 7. декември 2019. Вести денес: 0
home Останати спортови

Надал со сензационален пресврт до победа над Медведев

Надал со сензационален пресврт до победа над Медведев

Рафаел Надал го совлада Данил Медведев со 6:7, 6:3, 7:6, во супер драматичниот меч на тенискиот завршен Мастерс турнир во Лондон.

Русинот испушти огромна шанса за првпат во кариерата да победи против Шпанецот. Медведев водеше со 5:1 во третиот решавачки сет, имаше и меч-топка, но не ја искористи, и психолошки падна, па првопласираниот на АТП листата доби пет гејма едноподруго. Медведев на кратко се врати во ритам, освои гејм и се избори за тај-брејк, но Надал дојде до прваta победа во Лондон.

Победата на Надал е лоша вест за Новак Ѓоковиќ, кој посакува да се врати на врвот на АТП листата, па сега Србинот мора да ги добие сите мечеви до крајот на турнирот ако сака да го заземе тронот.