четврток, 2. јули 2020. Вести денес: 242
home Останати спортови

Македонското младинско таеквондо во светскиот врв

Македонското младинско таеквондо во светскиот врв

Моментално на светската јуниорска ранг листа високо на врвот се наоѓаат тројца македонски репрезентативци за кои 2019 година беше повеќе од успешна.

Дамјан Трајковски од ТК Кобра, јуниори категорија 78+ кг се наоѓа на четвртото место на светската ранг листа во неговата категорија. Најголеми успеси на Дамјан Трајковски во 2019 година му беа двата златни медали на Г1 турнири во Босна и Албанија.

Милијана Релиќ од ТК Тигри, јуниори категорија -67 кг се наоѓа на петтото место на светската ранг листа во нејзината категорија. Најголеми успеси на Милијана Релиќ во 2019 година беа петтото место на Европско Јуниорско Клубско Првенство и златниот медал на Г1 турнир во Босна.

Филип Стаменов од ТК Бутел, јуниори категорија -78 кг се наоѓа на седмото место на светската ранг листа во неговата категорија. Најголеми успеси на Филип Стаменов во 2019 година беа златниот и бронзениот медал на Г1 турнири во Албанија и Србија.

Претседателот и селектор на македонската таеквондо федерација Д-р Борче Костовски смета дека македонското олимписко таеквондо има сериозно квалитетен потенцијал во неколкумина квалитетни младински репрезентативци тука се млдиот сениор Марко Аврамовски, јуниорката Фросина Рајковска и неколкумина други, Костовски вели дека предстојат светли денови за нас во овој олимписки спорт и дека напорната работа, следењето на светските модерни трендови во овој спорт и постојаната жртва раѓаат високи резултати.

Костовски додадва дека се надева Дејан Георгиевски, Филип Додевски и Анамарија Георгиевска ќе имаат наследници кои ќе чекорат патот на сениорскиот врв во олимпиското таеквондо.

Парламентарни избори 2020