четврток, 28. јануари 2021. Вести денес: 1
home Останати спортови

Мадрид ќе биде домаќин на новиот „Дејвис куп“

Мадрид ќе биде домаќин на новиот „Дејвис куп“
Првиот домаќин на финалниот турнир на „Дејвис купот“, кој ќе се игра по нов формат, ќе биде Мадрид, беше објавено на веб-страницата на Меѓународната тениска федерација.
Управниот комитет на неофицијалното светско тениско првенство за тимови одлучи дека домаќин на првите две изданија на новиот формат на „Дејвис купот ќе биде главниот град на Шпанија.
Во новиот „Дејвис куп“ ќе учествуваат 18 екипи, а шампионот ќе биде познат по седумдневно натпреварување.
Пласманот на финалниот турнир досега обезбедија овогодинашните полуфиналисти Франција, Хрватска, САД и Шпанија, како и Аргентина и Велика Британија, кои добија „вајлд карти“.
Останатите 12 тимови ќе се борат преку квалификации, кои ќе се одржат во февруари.
Финалето на „Дејвис купот“ ќе се одигра од 18 до 24 ноември.

Коронавирус