петок, 24. септември 2021. Вести денес: 131
home Останати спортови

Костовски: Олимпиското сребро на Георгиевски е историски успех

Костовски: Олимпиското сребро на Георгиевски е историски успех

Дарко Костовски му го честиташе на Дејан освоениот сребрен медал на Игрите во Токио, оценувајќи го како најголем спортски успех од независноста на македонската држава.

-Го имаме најголемиот историски успех од како нашата Македонија е независна. Браво лаву, браво јунак, ти си новата спортска македонска икона и идолот на новите генерации, објави Костовски на социјалните мрежи непосредно по финалната борба.

Георгиевски попладнево стана првиот македонски олимпиец на Игрите во Токио, кој освои медал, откако во финалната борба во таеквондо во категоријата над 80 килограми загуби од Русинот Владислав Карин со 15:9.

На патот до финалето македонскиот таеквондист ги совлада актуелниот светски првак Алба Кастиљо од Куба, Сејду Гбане од Брегот Слонова коска и Јужнокoреецот Ин Дон.

Сребрениот медал на Георгиевски е второ олимписко одличје за македонскиот спорт по бронзата на борачот Мохамед Ибрагимов на Игрите во Сиднеј во 2000-та година. (МИА)

Коронавирус