вторник, 22. октомври 2019. Вести денес: 0
home Останати спортови

Кога е здрав е – незапирлив: Ѓоковиќ без загубен сет го освои Токио!

Кога е здрав е – незапирлив: Ѓоковиќ без загубен сет го освои Токио!

Најдобриот светски тенисер во моментов, Србинот Новак Ѓоковиќ, триумфално се врати на теренот, па по едномесечната пауза уште од „Ју-Ес“ опен (повреда на рамото), на импресивен начин, дојде до титула на турнирот во Токио совладувајќи го Австралиецот Џон Милман со само пет загубени гемови (6-3, 6-2).

Популарниот Ноле силно го почна мечот, па веќе од втор обид направи „брејк“ за убедливи 4-1, кои потоа искусно ги претвори во 6-3 за освојување на првиот сет. Во вториот тој беше поимпресивен бидејќи со два „брејка“ дојде до 4-0, што веќе беше знак за крај на сите надежи за противникот.

Ѓоковиќ до трофејот во јапонската престолнина дојде без загубен сет, откако со 2-0 ги преслуша и сите претходни ривали – Попирин, Соеда, Пулие и Гофин. Триумфот во Токио му донесе заработка од 391.430 долари и 500 бодови на АТП-листата, на која утре ќе ја почне 272. недела како најдобар во светот.