вторник, 22. октомври 2019. Вести денес: 0
home Останати спортови

Како Маркез може да ја освои титулата во МотоГП уште во Тајланд?

Како Маркез може да ја освои титулата во МотоГП уште во Тајланд?

Пилотот на Хонда, Марк Маркез веќе е на чекор до својата осма светска титула во МотоГП. После повеќе од убедливата победа во Арагон, Шпанецот е на 92 бода пред својот најголем конкурент, пилотот на Дукати Андреа Довициозо при преостанати пет трки до крајот.

Маркез има шанса да стане шампион во Тајланд, а единственото правило е да освои два бода повеќе од Довициозо. Тој може да го стори тоа ако стигне до деветтата победа сезонава на „Бурирам“ или заврши втор, трет или четврт, сè додека популарниот Дови е зад него.

Доколку Маркез заврши на петтото или подолу, Дови треба да е уште две места зад Шпанецот за да му ја „подари“ титулата.

Во случај на паѓање на Маркез, борбата за титулата ќе се пренесе во Јапонија.