среда, 19. јануари 2022. Вести денес: 64
home Останати спортови

Дилема на многумина: Дали треба да јадете пред тренингот и колку влијае храната врз вежбањето?

Дилема на многумина: Дали треба да јадете пред тренингот и колку влијае храната врз вежбањето?

Многу тренери и фитнес инструктори ќе ви кажат дека исхраната е исто толку важна како и вежбањето.

Ако сте почетник во теретана, сигурно сте се запрашале дали ова се однесува на времето пред или после тренинг.

Храната после тренинг е неверојатно важна. За време на овој оброк, треба да ги внесете сите хранливи материи во вашето тело кои ќе им помогнат на вашите мускули да растат и да се развиваат, како што се протеините и јаглехидратите.

Луѓето кои сакаат да дадат се од себе во теретана, за што поскоро да постигнат добри резултати и да напредуваат, се прашуваат како јадењето пред тренинг ќе влијае на нивните перформанси.

Спроведеното истражување, чии резултати се објавени на бројни сајтови специјализирани за медицина, се обиде да одговори на ова прашање.

Повеќето студии не покажаа разлика во перформансите помеѓу оние кои јаделе пред тренинг кој траел помалку од еден час и оние кои не јаделе пред тренинг.

Други студии кои испитуваа интервални тренинзи со висок интензитет (HIIT), исто така, не открија разлика во перформансите.

Една од причините зошто не се забележани разлики во овие студии при краткотрајно вежбање може да биде тоа што човекот има свои резерви на енергија во своето тело, кои првенствено се наоѓаат во телесните масти.

Телото складира околу 2.000 калории во телесните масти.

Целата таа складирана енергија ви овозможува да вежбате дури и ако не сте јаделе со часови. Од друга страна, некои студии покажаа подобрување кога оброците или додатоците кои содржат јаглени хидрати се консумираат пред вежбање.

Така, јадењето пред краткотрајно вежбање ги подобрува перформансите кај некои луѓе. Самата изведба зависи повеќе од поединецот отколку од храната.

Меѓутоа, кога станува збор за вежбање кое трае подолго од еден час, се покажало дека во дури 54 отсто од случаите, ситите вежбачи постигнуваат подобар резултат од гладните.

Конзумирањето јаглехидрати кои бавно се варат или јадењето неколку часа пред вежбањето може да биде корисно кога станува збор за продолжено вежбање.

За спортови кои бараат висок степен на физичка издржливост, докажано е дека конзумирањето на храна богата со јаглехидрати, 3 или 4 часа пред тренинг, значително ги подобрува перформансите на спортистите.

Значи, ако планирате да тренирате повеќе од еден час, конзумирањето на соодветна храна може позитивно да влијае на вашиот тренинг.

Коронавирус